ഒരു കൊച്ചിന്റെ അമ്മയായതിന് ശേഷം അമ്മ എന്നെ അങ്ങനെ വിളിക്കാറില്ല, പക്ഷെ അപ്പു ഇപ്പോഴും വിളിക്കുന്നത് അതാണ്; ഭര്ത്താവ് തന്നെ വിളിക്കുന്ന ചെല്ലപ്പേര് വെളിപ്പെടുത്തി മിയ
അശ്വിന് ഫിലിപ് എന്നാണ് മിയയുടെ ഭര്ത്താവിന്റെ പേര്. അത് ചുരുക്കി മിയ അപ്പു എന്നാണ് ഭര്ത്താവിനെ വിളിക്കുന്നത്. എന്നാല് അശ്വിന് മിയയെ വിളിക്കുന്നത് എന്താണെന്ന് അറിയാമോ. രമേഷ് പിഷാരടിയാണ് മിയയെ കൊണ്ട് അത് പരസ്യമായി പറയിപ്പിച്ചത്
കൊവിഡ് കാലത്തായിരുന്നു മിയ ജോര്ജ്ജിന്റെ വിവാഹവും പ്രസവവും എല്ലാം. അതുകൊണ്ട് കരിയറില് നിന്ന് വലിയ ഒരു ബ്രേക്ക് എടുക്കേണ്ടതായി വന്നിട്ടില്ല എന്ന് നടി പറഞ്ഞിരുന്നു. കൊവിഡ് കാലം കഴിഞ്ഞ്, എല്ലാവരും ബാക്ക് ടു നോര്മല് ലൈഫിലേക്ക് എത്തിയപ്പോള്, പഴയ അതേ പ്രസരിപ്പോടെ മിയയും തിരച്ചുവന്നു. ഇപ്പോള് ടെലിവിഷനിലും സിിമയിലും എല്ലാം സജീവമാണ് താരം.
പൊതുവേദികളില് മിയ തന്റെ ഭര്ത്താവിനെ കുറിച്ചും കുഞ്ഞിനെ കുറിച്ചുമൊക്കെ പറയുന്ന കാര്യങ്ങള് വൈറലാവാറുണ്ട്. അങ്ങനെ ഇപ്പോള് പറഞ്ഞിരിക്കുന്നത്, ഭര്ത്താവ് അശ്വിന് തന്നെ വിളിക്കുന്ന ചെല്ലപ്പേരിനെ കുറിച്ചാണ്. അശ്വിനെ മിയ വിളിക്കുന്നത് അപ്പു എന്നാണ്. അശ്വിന്റെ ശരിക്കുള്ള പേര് അശ്വിന് ഫിലിപ് എന്നാണ്. അപ്പനും അമ്മയും ഇട്ട അശ്വിന് എന്ന പേര് ഇഷ്ടപ്പെടാത്തതുകൊണ്ട് ഫിലിപ് എന്ന പേരും ചേര്ത്തു വയ്ക്കുകയായിരുന്നുത്രെ. അങ്ങിനെ അശ്വിനിലെ അ യും ഫിലിപ്പില പ്പ യും എടുത്ത് അപ്പു എന്ന് എല്ലാവരും വിളിച്ചു, മിയയും വിളിച്ചു.
എന്നാല് മിയയെ അപ്പു വിളിക്കുന്നത് എന്താണ് എന്നാണ് രമേഷ് പിഷാരടിയുടെ ചോദ്യം. ‘എന്നെ വീട്ടില് അമ്മ വിലിച്ചിരുന്നത് വാവേ എന്നാണ്. എന്നാല് ചേച്ചിയ്ക്ക് മക്കള് ജനിച്ചതോടെ ആ വിളി നിലച്ചു. ഞാനൊരു കൊച്ചിന്റെ അമ്മയായതിന് ശേഷം വാവേ, വാവാച്ചി എന്നൊക്കെയുള്ള വിളിയും പോയി, സ്ഥാനവും പോയി. പക്ഷെ അപ്പു ഇപ്പോഴും എന്നെ വിളിക്കുന്നത് വാവേ എന്ന് തന്നെയാണ്’ മിയ ജോര്ജ്ജ് പറഞ്ഞു.
