ഇടാന് മറന്നതോ, വൈറലാവാന് വേണ്ടി ചെയ്തതോ? ചോദ്യത്തിന് ചൈത്രയുടെ മറുപടി; എന്റെ അമ്മയുടെ സാരിയും ബ്ലൗസുമാണത്, ഇങ്ങനെയാവും എന്ന് പ്രതീക്ഷിച്ചില്ല!
സിനിമാ പ്രമോഷന് ഗ്ലാമറസ്സായി സാരി ധരിച്ചു എന്ന് പറഞ്ഞ് സോഷ്യല് മീഡിയയില് വൈറലായ നടിയാണ് ചൈത്ര പ്രവീണ്. അങ്ങനെ വൈറലാവാന് വേണ്ടിയൊന്നുമല്ല ആ സാരി ധരിച്ചത് എന്ന് നടി പറയുന്നു. അമ്മയുടെ സാരിയും ബ്ലൗസുമാണത്, ഉടുത്തൊരുങ്ങിയ ശേഷം അമ്മയെ കാണിച്ചിട്ട് ഭംഗിയുണ്ട് എന്നുറപ്പ് വരുത്തിയ ശേഷമാണ് പുറത്തേക്കിറങ്ങിയത് എന്ന് ചൈത്ര പറഞ്ഞു.
എല് എല് ബി എന്ന ചിത്രത്തിന്റെ പ്രമോഷന് വേണ്ടി എത്തിയ താരങ്ങള്ക്കിടയില് ഏറ്റവും അധികം വൈറലായത് കറുത്ത സാരിയില് വന്ന ആ പുതുമഖ നടിയാണ്. ഹണി റോസിനോടും, അന്ന രാജനോടും എല്ലാം താരതമ്യപ്പെടുത്തി നിമിഷ നേരം കൊണ്ടാണ് ചൈത്ര പ്രവീണ് എന്ന നടിയുടെ വീഡിയോകള് വൈറലായത്. നടിയുടെ സാരിയും ബ്ലൈസുമായിരുന്നു കാഴ്ചക്കാരുടെ പ്രശ്നം. വൈറലാവാന് വേണ്ടി എന്തൊക്കെ കാണണം എന്ന് ചോദിച്ച് ഷെയര് ചെയ്യപ്പെട്ട വീഡിയോയ്ക്ക് മറുപടിയുമായി എത്തിയരിക്കുകയാണ് ഇപ്പോള് ചൈത്ര.
വറൈറ്റി മീഡിയയ്ക്ക് നല്കിയ അഭിമുഖത്തില് ആ സാരി ലുക്കിന് പിന്നെ സത്യം നടി വെളിപ്പെടുത്തി. വൈറലാവാന് വേണ്ടി ചെയ്തതാണോ, ഇടാന് മറന്നതാണോ എന്നൊക്കെയുള്ള ചോദ്യത്തെക്കാളും, ഇവള് കോഴിക്കോടിന് അപമാനം എന്ന് പറഞ്ഞതാണ് തന്നെ ഏറ്റവും അധികം വേദനിപ്പിച്ചത് എന്ന് ചൈത്ര പറയുന്നു. ഞാനൊരു കോഴിക്കോട്ടുകാരിയാണ് എന്ന് എവിടെയും അഭിമാനത്തോടെ പറയാന് ഇഷ്ടപ്പെടുന്ന ആളാണ് ഞാന്. ആ ഞാന് കോഴിക്കോട് മണ്ണിന് അപമാനമാണ് എന്ന കമന്റ് കണ്ടപ്പോള് സങ്കടം തോന്നി.
അന്ന് ഞാന് ധരിച്ചത് എന്റെ അമ്മയുടെ സാരിയും ബ്ലൈസുമാണ്. വൈറലാവണം എന്ന് കരുതി ചെയ്തതല്ല. അങ്ങനെ ആയിട്ടുണ്ടെങ്കില് അത് എന്റെ അഡ്വാന്റേജ് ആണ് എന്ന് വിശ്വസിക്കുന്ന ആളാണ് ഞാന്. ആ ഡ്രസ്സ് ധരിച്ചതിന് ശേഷം ഞാന് എന്റെ അമ്മയ്ക്ക് വീഡിയോ കോള് ചെയ്ത് കാണിച്ചിരുന്നു. ‘കറുപ്പില് നീ സുന്ദരിയായിട്ടുണ്ട്’ എന്ന് അമ്മ പറഞ്ഞ കോണ്ഫിഡന്സിലാണ് ഞാന് ആ പരിപാടിയില് പങ്കെടുത്തത്. അത് കഴിഞ്ഞ് വീഡിയോ പുറത്ത് വന്നപ്പോഴും ഞാന് ശ്രദ്ധിച്ചത് എന്റെ ചിരി കൊള്ളാമായിരുന്നോ, ഞാന് സുന്ദരിയാണോ എന്നൊക്കെയാണ്. ഡ്രസ്സിങില് ഒരു കുഴപ്പവും ഉള്ളതായി എനിക്ക് തോന്നിയില്ല. പിന്നീടാണ് വീഡിയോ വൈറലായത്.
ബൈ പ്രൊഫഷന് ഞാനൊരു ദന്തിസ്റ്റാണ്. മോഡലിങിലൂടെയാണ് അഭിനയത്തിലേക്ക് എത്തിയത്. അഭിനയ രംഗത്തേക്ക് വരുന്നതിന് വീട്ടുകാര്ക്ക് എതിര്പ്പായിരുന്നു. വളരെ കഷ്ടപ്പെട്ട് അവരെ കണ്വിന്സ് ചെയ്താണ് ഞാന് ഇന്റസ്ട്രിയിലേക്ക് വന്നത്. ചെയ്യുന്ന സിനിമകളുടെ സെറ്റിലേക്ക് അവരെയും കൊണ്ടുപോയതോടെ അവര്ക്കുണ്ടായിരുന്ന ഇന്സെക്യുയര് മാറി കിട്ടി. ആ ധൈര്യത്തില് മുന്നോട്ട് പോകുമ്പോഴാണ് ഈ വീഡിയോ വൈറലായത്. ഇത് വീട്ടുകാര് കണ്ടാല് അവരെങ്ങനെ പ്രതികരിക്കും എന്നതായിരുന്നു എന്റെ ഏറ്റവും വലിയ ടെന്ഷന്. അച്ഛന് അധ്യാപകനാണ്. സ്ലീവ് ലസ്സ് ഡ്രസ്സിടുന്നത് പോലും അച്ഛന് ഇഷ്ടമല്ല. ആ സ്ഥിതിയ്ക്ക് ഈ വീഡിയോ കണ്ടാല് എന്ത് പറയും എന്ന് പേടിയിലായിരുന്നു ഞാന്. പക്ഷെ അവരാരും ഒന്നും പറഞ്ഞില്ല. നമ്മള് മോശമല്ലാത്ത ഡ്രസ്സ് ധരിച്ചാലും ആളുകള് ചൂഴ്ന്ന് നോക്കുന്നതിനെ ഒന്നും പറയാന് പറ്റില്ലല്ലോ
