രാജസ്ഥാൻ റോയൽസിൽ ആ സ്പെഷ്യൽ റോൾ ആർക്ക് ലഭിക്കും? സഞ്ജുവിന് മുന്നിൽ ഈ മൂന്ന് ഓപ്ഷനുകൾ

ഇന്ത്യൻ പ്രീമിയർ ലീഗിന്റെ (IPL 2024) പതിനേഴാമത് സീസണ് ഈ മാസം 22 ന് തുടക്കമാവുകയാണ്. ചെന്നൈ സൂപ്പർ കിങ്സ്-റോയൽ ചലഞ്ചേഴ്സ് ബാംഗ്ലൂരും തമ്മിലുള്ള മത്സരത്തോടെ ആരംഭിക്കുന്ന ടൂർണമെന്റിൽ രാജസ്ഥാൻ റോയൽസിന്റെ (Rajasthan Royals) ആദ്യ മത്സരം 24 നാണ്. കെ എൽ രാഹുൽ നയിക്കുന്ന ലക്നൗ സൂപ്പർ ജയന്റിനെയാ‌ണ് ആദ്യ കളിയിൽ സഞ്ജുവും (Sanju Samson) സംഘവും നേരിടുക. കഴിഞ്ഞ തവണ മികച്ച തുടക്കം ലഭിച്ചെങ്കിലും രണ്ടാം ഘട്ടത്തിൽ കാലിടറിയ സഞ്ജുവും ടീമും അഞ്ചാം സ്ഥാനത്താണ് ഫിനിഷ് ചെയ്തത്. ഇതോടെ പ്ലേ ഓഫ് യോഗ്യതയും കിട്ടിയില്ല.

മുൻ സീസണുകളിലെ പിഴവുകളിൽ നിന്ന് പാഠമുൾക്കൊണ്ട് എത്തുന്ന രാജസ്ഥാൻ റോയൽസ് അവരുടെ രണ്ടാം ഐപിഎൽ കിരീടമാണ് 2024 ൽ ലക്ഷ്യമിടുന്നത്. കിടിലൻ സ്ക്വാഡ് ഒപ്പമുള്ള റോയൽസിന്റെ ഈ സീസണിലെ കിരീട പ്രതീക്ഷകളിൽ അവരുടെ ഇമ്പാക്ട് പ്ലേയർ സെലക്ഷനും നിർണായകമാകും. ആകാശ് ചോപ്ര ഉൾപ്പെടെയുള്ള മുൻ താരങ്ങൾ ഇക്കാര്യം തുറന്ന് പറയുകയും ചെയ്തു. കഴിഞ്ഞ സീസണിൽ ഇമ്പാക്ട് പ്ലേയർ നിയമം പൂർണമായും പ്രയോജനപ്പെടുത്താൻ സാധിച്ചിട്ടില്ലാത്ത റോയൽസ് ഇക്കുറി ആ തെറ്റ് ആവർത്തിക്കില്ലെന്ന പ്രതീക്ഷയിലാണ് ആരാധകർ. ഇക്കുറി രാജസ്ഥാന് ഇമ്പാക്ട് പ്ലേയറായി കളിപ്പിക്കാൻ കഴിയുന്ന മൂന്ന് കളിക്കാരെ നോക്കാം.