ഇന്ത്യാ ലേൺസ് ക്രിപ്റ്റോ’ റോഡ് ഷോയുമായി ബിറ്റ് ജെറ്റ്
ഇന്ത്യയിൽ ക്രിപ്റ്റോ മേഖലയിലെ അവബോധം വർധിപ്പിക്കാനായി റോഡ് ഷോ നടക്കും. ആറ് പ്രധാന നഗരങ്ങളിലാണ് പരിപാടി. ഈ മാസം അവസാനം ആരംഭിക്കുന്ന റോഡ് ഷോ ജൂലൈ അവസാനം വരെ നീണ്ടു നിൽക്കും.
ലോകത്തിലെ ഏറ്റവും വലിയ ക്രിപ്റ്റോ കോപ്പി ട്രേഡിങ് പ്ലാറ്റ്ഫോമായ ബിറ്റ്ജെറ്റ് ഇന്ത്യയിൽ ക്രിപ്റ്റോയുമായി ബന്ധപ്പെട്ട് വിദ്യാഭ്യാസ ഇവന്റുകൾ സംഘടിപ്പിക്കും. ബ്ലോക്ക് ചെയിൻ കൺസൾട്ടിങ് സ്ഥാപനമായ ഒക്ടാലൂപ്പുമായി സഹകരിച്ചാണ് പരിപാടികൾ നടത്തുന്നത്. രാജ്യത്ത് ക്രിപ്റ്റോയുമായി ബന്ധപ്പെട്ട ബോധവൽക്കരണം നടത്തുകയാണ് ലക്ഷ്യം. ആറ് പ്രധാന നഗരങ്ങളിൽ വിദ്യാഭ്യാസ ഇവന്റുകളുടെ സീരിസുകളാണ് നടത്തുന്നത്. ‘ഇന്ത്യ ലേൺസ് ക്രിപ്റ്റോ’ എന്ന പേരിലാണ് ഇവന്റ് നടത്തുക.
മെയ് മാസത്തിൽ ആരംഭിച്ച് ജൂലൈ വരെ നീണ്ടു നിൽക്കുന്ന വിധത്തിലാണ് ഇവന്റ് പ്ലാൻ ചെയ്തിരിക്കുന്നത്. വളർന്നു വരുന്ന ബ്ലോക്ക് ചെയിൻ സാങ്കേതി വിദ്യ, ക്രിപ്റ്റോ എക്കോ സിസ്റ്റം എന്നിവയെ സംബന്ധിച്ച് അവബോധമുണ്ടാക്കുകയാണ് ലക്ഷ്യം. വെബ് 3 പ്ലാറ്റ്ഫോം, ക്രിപ്റ്റോ ടൂളുകൾ എന്നിവ സംബന്ധിച്ച് ചെറുപ്പക്കാരുടെ ഇടയിൽ അവബോധം സൃഷ്ടിക്കാനും ലക്ഷ്യമിടുന്നു.
ക്രിപ്റ്റോ-ബ്ലോക്ക് ചെയിൻ രംഗത്തെ വിദഗ്ധർ, പരിപാടിയുടെ ഭാഗമാകും. ഈ വിഷയങ്ങളിലെ കാഴ്ച്ചപ്പാടുകൾ, വിജ്ഞാനം എന്നിവ പങ്കുവെക്കും. ബ്ലോക്ക് ചെയിൻ സാങ്കേതിക വിദ്യ, ക്രിപ്റ്റോ കറൻസി ട്രേഡിങ് തുടങ്ങിയവയും അവയുടെ വിവിധ മേഖലകളിലെ ഉപയോഗക്ഷമതയും വിശദീകരിക്കും. തുടക്കക്കാർക്കും, പരിചയ സമ്പന്നരായവർക്കും ഒരു പോലെ ഉപയോഗപ്രദമാകുന്ന രീതിയിലാണ് പരിപാടികൾ സംഘടിപ്പിക്കുന്നത്. ക്രിപ്റ്റോ സംബന്ധിച്ച് പഠനം നടത്താൻ സുരക്ഷിതമായ ഒരു സാഹചര്യം ഒരുക്കുക എന്നതും ലക്ഷ്യമാണ്.
